[audio:http://www.daher.ws/img/sultan3ady_bd3alal7an.mp3]

لست بشاعر حتى أصل مستوى تقييم القصيدة ولكن من خلال فهمي للمعاني وتذوقي للشعر أجد أنها قصيدة لها منحاها الخاص، لم يسبق أن أعجبتني بقدر ما حصل مع هذه القصيدة..

ومن خلال قرأتي عن القصيدة في المنتديات الشعرية كانت هناك الكثير والكثير من المتذوقين للشعر الذين أطروا على القصيدة في أجمل العبارات، كما أنه وصفها بعض الشعراء أنه لو تم اختيار معلقات من قصائد هذا الوقت لكانت هي أولى القصائد المختارة دون أدني شك، ووصقفها البعض بأنها قصيدة عن مليون قصيدة ..

توقفت عند أبيات كثيرة ولكن هناك ما كان له هاجس يحاكي ما بداخلي..

منها للعد وليس الحصر

|:: الـلـي تسبـب لـي بـهجر هل الأعيان ،، جعله وقود النار وأول حطبهـا ::|

- – - – - – - – - ،، – - – - – - – - -

|:: ما نساه دام الروح في وسط الابدان ،، مـدام روحـي ربهـا مـا سلبهـا ::|

- – - – - – - – - ،، – - – - – - – - -

|:: أنـتـه شبيه الذيـب والذيب سرحـان ،، عدا على روس الطـوال ورقبهـا ::|

- – - – - – - – - ،، – - – - – - – - -

أتمنى أن تكون القصيدة ارتقت لذائقتكم، فأنتم أحق بها وبما هو أفضل

للتحميل أكمل قراءة التدوينة

|:: القصيدة صوتاً ::|

|:: القصيدة نصاً ::|

قال الذي حده على بـدع الالحـان
واشرف على بنات فكري وندبهـا

يذب صوته زي سجّـات واذعـان
على طواريـق المعانـي سحبهـا

ويتـل قلبـه بالمعاليـق شريـان
تلـة يميـنٍ تلهـا ثـم كربـهـا

في ساعةٍ فيها غفة كـل الأذهـان
ما حس فيها كود منهـو حسبهـا

شـوارد المعنـى ثقيـلات الأوزان
يشدهـا هاجـوس فكـرةٍ سكبهـا

شاب الورق ممـا بقلبـه ولا لان
أرها على الجـزلات حتـى كتبهـا

هي سولته ياقل مـا فيـه سلـوان
اسباب من قاد السبب من سببهـا

اللي تسبب لـي بهجـره للأعيـان
جعله وقـود النـار وأول حطبهـا

ترف الصبا عذب اللما مطرق البان
ميّاس قـد وكـم قلـوبٍ عطبهـا

سبحان من صوّر جماله وسبحـان
أنا اشهد ان اللي عطاهـا وهبهـا

لاجيت اقارنها مع البيـض شتـان
مـا بيـن النـحـاس وإلا ذهبـهـا

ولا وقف رمحٍ على راس ما بـان
ولا مشى درج القطا مـا عجبهـا

ارواه ربـه والبهـا فيـه ريـان
وقام يتغطـرس بالعيـون وهبهـا

فريد جنسه ما نخلق مثلـه انسـان
كبر حـظ اللـي ولاهـا وكسبهـا

تبقى لها ذكرى على مر الازمـان
بنت الرجال اللـي رفيـعٍ نسبهـا

أدمنة حبه ليـن عدّيـت الادمـان
والارض ضاقت لو وسيع ٍرحبهـا

قـم يانديبـي بالملازيـم والشـان
حملـك ورق وانـا عليـه تعبهـا

اركب على اتقن مواريث الألمـان
بالكاش مشراها ماهي فـي طلبهـا

من وارد الناغي ماهي حوش عمّان
ياكـم عيـونٍ لا تحلـة رهبـهـا

ان قلت صانعها ماهو بنس من جان
فوق المواتر صاغها ثـم غصبهـا

ياكنها عـذرا تمـاري بالاوجـان
بالملعبه مـا حولهـا مـن هزبهـا

مـن فـوق فـل ابشـن بـيـلان
الرابح اللـي جابهـا مـن نجبهـا

تنزع من الباطن وتسري مسيـان
تهقـوي اللـي للمسافـه ركبهـا

بي إم سبع اميه وخمسين وحصان
بين المواتر ما ذكـر مـن غلبهـا

من شيشة ابن سرور ولا عبيـلان
فـوّل وقـود النـارواوزن هدبهـا

ثم تلّهـا تلـة شفـوقٍ وحدمـان
للي هـوى بالـي تنحـى جنبهـا

ياكنها دعجاً هـوة بيـن عقبـان
شيهانةٍ فـي عشهـا مـا رعبهـا

اسرح مساريح القطا يـم نجـران
ديرة رجـالٍ فعلهـا مـا حجبهـا

واضح محله ما يبي وصف عنوان
تلفي على اللي مـا تغـره رتبهـا

قلًه ترا ذا الخط من ينـم سلطـان
وانتم تحلون البلـش مـع نشبهـا

لاياعوض ياصاحبي يـا كحيـلان
أنته عوض نفسٍ تزايـد غضبهـا

أنته شبيه الذيب والذيب سرحـان
عدا على روس الطـوال ورقبهـا

تبذل يمينـك مـا تغاليـة الاثمـان
يمناً على فعـل المراجـل طربهـا

يمناك عدّة بك ورث كـم برهـان
ما جور ياعـودٍ جذبـك وجذبهـا

روسان يا جاهل عن فعول روسان
حمولةٍ مـا غـاب عنهـا شببهـا

اشكي عليك الحال من كايـنٍ كـان
عسلوجـةٍ ياشيـب قلـبٍ رغبهـا

ما نساه لو تنسى بني يام شيبـان
ولو ينقل الباطـن وعوجـاه ببهـا

ولو ينتقل لدبـي سنجـار وابـان
وبرج العرب والعين عندي عزبهـا

ولو تنكر المطران عرفا وعوجـان
والصلب والصمان واقصى هضبها

والشمري يزهق بحايـل وبـرزان
ويترك معا ميله عقب ما حضبهـا

ولو يطردون الضيف طلقين الايمان
والضيف ما يلقى القرا في عربهـا

ولو تنتقل وايل ورا ضلع شمـران
وتنزل بعرعر نـا ماهـي شعبهـا

ولو يقطنون السيف صبيان قحطان
وتتـرك تهلاّهـا وتنـزع ودبهـا

ولو يتركون اهل الحسا كل بستـان
ويجنبـون نخيلهـا مـع رطبهـا

واهل البحر تنزح من السيف بدوان
وتارد علـى لينـه وتمـلا قربهـا

ما نساه دام الروح في وسط الابدان
مـدام روحـي ربهـا مـا سلبهـا

اخيلها مـا خايلـو غـر الامـزان
واون ونّــاتٍ تكـسـر عتبـهـا

هذا ولـك منـي تحيـه وعرفـان
يامن فناجيـل المراجـل شربيهـا