أخر زمن كوريا تسيطر على البطاقتين المؤهلات لكأس العالم ،، واحنا جيدين نتشطر على الامارات وأوزباكستان. يعني كل شئ كان متوفر جمهور وحضر حتى غطوا المدرجات كاااااااااااااااااااملة، فلوس وما قصر سلطان الكورة وعد كل لاعب بربع مليون ” أنا وأنا مالي بالكورة لو أعرف أنه فيها ربع مليون حرثت الملعب حرررررث ” لكن اللاعبين كلهم درجة ممتازة وعندهم تشبع كل واحد ثروته فوق الملايين يعني ما فرق معه الربع اللي بعد المباراة، وللأسف بعد المباراة لم نرى عقوبات كبيرة المفروض تكون فيه عقوبة للاعبين لو توصل لشطب نص المنتخب وتعويض مكانهم من فرق الدرجة الأولى أو الناشئين والشباب في الأندية الممتازة، لأنهم هم اللي راح يقدرون الفرصة اللي جتهم لأن الكبار خلاص كل واحد يفكر بتاريخ الاعتزال متى!!!
الأندية الأندية لا زالت المشكلة مستمرة كل اللاعبين يلبسون الفنيلة السعودية ولكن في باله ( الهلال أو النصر أو الاتحاد ) على سبيل المثال في مباراة كوريا ( محمد نور ) ما يعطي الكورة إلا لـ( هزازي ) وكأنها مبارة للاتحاد.. وللأسف لا يوجد لدينا كادر فني قوي يستطيع اخراجهم من دائرة الأندية أو كادر نفسي بالأحرى ..
الجماهير لا زالت أيضاً تحضر لقاءات المنتخب بشعارات الأندية ورأينا استهجانهم على ( ياسر القحطاني ) عند تضييع أتفه الفرص بحيث لم نراها عندما كان المضيع للفرصة ( هزازي أو نور أو الزوري أو عبد الغني ) لكن هي جماهير الأصفر الصغير دووون شك وحقدها على هداف المنتخب أبدي حتى سببوا له مشكلة نفسية ولكن سيبقى متخصص لمرماهم حتى ولو كان في أسوء أوضاعه..
حضور المباراة مجاني!! ليش الحضور مجاني ؟؟ خل الحضور بفلوووس ما يجي الا اللي ناوي يشجع وعارف انه جاي للمنتخب مو كل من هب ودب جاي للمباراة وهو ما يعرف حتى التشجيع جيدين بس بترديد السلام الوطني أول المباراة وبعد كذا نووووووم حتى يضيع ياسر كورة ثم تسمع استهجانهم الغبي ..
المجاملات الكثيرة .. نووور مباراة الكوريتين الاخيرة كان نقطة ضعف للفريق وعبء عليه يبقى طوال المباراتين ليش ؟؟ لو كان لاعب حسم كان قلت ممكن يجي منه لكن لاعب وسط وبطئ وجيد بس لما يلبس فنيلة الاتهاد.. تيسير الجاسم كان المفروض يتواجد في مباراة الشمالية حتى نستفيد من قدراته على التسديد أيضاً ..
عبد الله شهيل !! سريع ومهاري ما نختلف ولكن ما يعرف يشوت لليش ما كان بداله ( حسن معاذ ) لاعب سريع ويتقدم بشكل أفضل ولديه حلول في التسديد من خارج المنطقة ولكن كان خارج التشكيلة نهائياً !!!
عبد الرحمن القحطاني من بداية الشوط الأول واضح عليه أنه مو بالفورمه أخليه لنص الشوط الثاني ؟؟ المفروض من بداية الشوط الثاني يطلع ويلعب بداله الشلهوووب ..
السعران ،، لاعب سريع ومهاري وحماسي درجة أولى وكان برا التشكيلة !! إذا ما لعبت السعران مع الكوريتين متى بلعبه !! علامات استفهام كثيرة امام المدرب أخر مباراة ..
تغيير خالد عزيز بـ صاحب العبد الله ؟؟!! محور مكان محور ؟؟ حسيت أننا متقدمين 10 ونبي نأمن الدفاع المفروض خروج خالد عزيز يلعب بدالة الشمراني مع أني أراهـ فاشل ولاعب بلنتيات فقط .. لكن ما فيه غيره المفروض يكون الحل الهجومي هو المتخذ من المدرب ..
ياسر القحطاني ،، كابتن لبى والله قلبك ما قصرت لكن وش نسوي بجمهور متخلف يحارب صانع أمجاده في أخر 6 أو 7 سنوات ..
حسين عبد الغني ،، المحترف الأوربي على أصول ما شاء الله عليك ..
أسامه هوساوي ،، لو كنت المدرب لأخرجت المحاور وقلب الدفاع الثاني ولعبت مهاجمين لأنك ما شاء الله صخرة وبرج عالي في وجه المهاجمين ..
هزازي ،، بطل الشوط الأول .. مختفي الشوط الثاني ولكن لعل للخبرة دوووور وبالمجمل لاعب خطير ومؤثر ..
عيال عطيف والفريدي << غيابهم أثبت أنهم ركيزة قوية للمنتخب ..
ويالله خيرها بغيرها يا أخضر .. وعشان نلاقي شئ نتابعه في الصيفية هههههههههههه
مدونة، تدوينة، المنتخب، ياسر القحطاني، محمد نور، خسارة كأس العالم
